විස්සයි20 ලෝක කුසලාන ක්රිකට් තරගාවලියේ අද (11) පැවති ඇෆ්ගන් - දකුණු අප්රිකා තරගය සුපිරි පන්දුවාර දෙකක් දක්වා දිගහැරුණු අතර, එහිදී තියුණු ජයක් ලැබීමට දකුණු අප්රිකාව සමත් විය.
තරගාවලියේ 'D' කාණ්ඩයේ තරගයක් ලෙස අහමදාබාද්හිදී පැවති මෙම තරගයේ පළමුව පන්දුවට පහරදුන් දකුණු අප්රිකාව පන්දුවාර 20 තුළදී ලකුණු 187/6ක් රැස්කළේය.
කෙසේ නමුත් ඊට පිළිතුරු ලෙස ඇෆ්ගනිස්තානයද පන්දුවාර 20 තුළදී සියලු දෙනා දැවී ලකුණු 187ක් රැස්කිරීමට සමත් විය.
ඒ අනුව ජයග්රාහකයා තෝරාගැනීම සඳහා සුපිරි පන්දුවාරයක් ක්රියාත්මක කළ අතර, එහිදීද ලකුණු සමවිය.
මෙහි පළමුව පන්දුවට පහරදුන් ඇෆ්ගනිස්තානය ලකුණු 17ක් රැස්කළ අතර, දකුණු අප්රිකාවට ඊට පිළිතුරු ලෙස ලකුණු 17ක් රැස්කළේය.
මේ හේතුවෙන් තවත් සුපිරි පන්දුවාරයක් දක්වා තරගය දිගහැරුණි.
එහි පළමුවෙන් පන්දුවට පහරදුන් දකුණු අප්රිකාව ලකුණු 23ක් රැස්කළ අතර, ඊට පිළිතුරු ලෙස ඇෆ්ගනිස්තානයට රැස්කළ හැකිවූයේ ලකුණු 19(වයිඩ් ලකුණක් සමග)ක් පමණි.
ඒ අනුව අපරාජිත බව රැකගත් දකුණු අප්රිකාව ක්රීඩාකළ තරග දෙකම මේ වනවිට ජයගෙන ඇති අතර, ඇෆ්ගනිස්තානය ක්රීඩාකළ තරග දෙකම මේ වනවිට පරාජය වී සිටියි.
