ලංකා පාසල් සංවර්ධන නිලධාරීන්ගේ මාරාන්තික උපවාසයට හත්වැනියත් එකතුවෙයි

කොළඹ ජනපති ලේකම් කාර්යාලය ඉදිරිපිට ලංකා පාසල් සංවර්ධන නිලධාරින් විසින් සිදු කරණ මාරාන්තික උපවාසය සඳහා අද (01) රාත්‍රියේ තවත් පුද්ගලයෙක් මෙම උපවාසයට එක්විය.

ඒ එම උපවාසයේ නිරතව සිටින අවසන් පාසල් සංවර්ධන නිලධාරියා ද අද පස්වරුවේ රෝහල්ගත කිරීමත් සමඟය.

ඒ අනුව, මාරාන්තික උපවාසේ යෙදී සිටි හයදෙනකු රෝහල්ගත කර ඇත අතර උපවාසය අද ක්‍රියාත්මක වුයේ 7වැනි දිනටය.

මේ අතර ලංකා පාසල් සංවර්ධන නිලධාරින්ගේ සංගමය පැවසුවේ, සිය ගැටලු පිළිබඳ සාකච්ඡා කිරීමට හෙට (02) දිනට පෙර ජනාධිපතිවරයා සාකච්ඡාවක් ලබානොදුන් බැවින් කොළඹ ජනපති ලේකම් කාර්යාලය ඉදිරිපිට හෙට දැවැන්ත විරෝධතාවකට අවතීර්ණ වන බවය.

වසර 7ක සිට පාසල්වල ඉගැන්වීම් සිදුකරන තමන් කඩිනමින් ගුරු සේවයට අන්තර්ග්‍රහණය කරන්නැයි ඉල්ලා ලංකා පාසල් සංවර්ධන නිලධාරීන්ගේ සංගමය ජනාධිපති කාර්යාලය ඉදිරිපිට මෙම මාරාන්තික උපවාසය ආරම්භ කළේය.