දුම්රිය සේවයට කාන්තාවන් බඳවා ගැනීම ගැන නීතිපතිගෙන් ශ්රේෂ්ඨාධිකරණයට දැනුම්දීමක්
December 12, 2025 12:57 pm
ශ්රී ලංකා දුම්රිය සේවයේ ඇති සියලුම තනතුරු සඳහා කාන්තාවන් බඳවා ගැනීමට අමාත්ය මණ්ඩලය අනුමැතිය දී ඇතැයි නීතිපතිවරයා අද (12) ශ්රේෂ්ඨාධිකරණයට දැනුම් දුන්නේය.
ශ්රී ලංකා දුම්රිය සේවයේ දුම්රිය ස්ථානාධිපති තනතුරු සඳහා කාන්තාවන්ට අයදුම් කිරීම අවහිර කරමින් නිකුත් කර තිබූ ගැසට් නිවේදනයක් අභියෝගයට ලක් කරමින් කාන්තාවන් දෙදෙනෙක් විසින් ගොනුකර තිබූ මූලික අයිතිවාසිකම් පෙත්සමක් කැඳවූ අවස්ථාවේදී නීතිපතිවරයා වෙනුවෙන් පෙනී සිටි රජයේ නීතිඥවරිය මෙම දැනුම්දීම සිදුකළේය.
