සයුරෙන් එතෙර
තුර්කියේ ළැව්ගිනි - 10 දෙනෙකු මරුට
July 24, 2025 04:22 pm
තුර්කියේ වයඹ දිග කොටසේ හටගෙන ඇති ළැව්ගිනි පාලනය කිරීමේ මෙහෙයුම්වල නිරතව සිටි ගිනි නිවීමේ භටයින්ගෙන් 10 දෙනෙකු ළැව්ගින්නට හසුවී මිය ගොස් තිබේ.
එහිදී තුවාල ලැබූ තවත් ගිනිනිවන භටයින් 14 දෙනෙක් රෝහල්ගතව ප්රතිකාර ලබන බව විදෙස් මාධ්ය වාර්තා කරයි.
වයඹදිග තුර්කියේ එස්කිශෙහෙර් පළාතේ පවතින අධික උෂ්ණත්වය සහ දැඩි සුළං තත්ත්වය හේතුවෙන් අඟහරුවාදා (22) උදෑසන මෙම ප්රබල ළැව්ගිනි තත්ත්වය හට ගෙන තිබුණි.
ඒ සමග ගින්න පාලනය කිරීම සඳහා ගිනිනිවීමේ භටපිරිස් යෙදවීමට බලධාරීන් කටයුතු කර ඇත.
ගින්න පාලනය කිරීම සඳහා මැදිහත්වූ 24 දෙනෙකුගෙන් යුත් භට පිරිස ගින්නට හසුවී ඇති අතර, ඔවුන් මුදවාගනිමින් රෝහල්ගත කිරීමට පසුව පියවර ගෙන තිබුණි.
තුවාලකරුවන් රෝහල්ගත කිරීමෙන් අනතුරුව ඒ අතරින් 10 දෙනෙකු මෙලෙස මියගොස් තිබේ.
සෙසු 14 දෙනා රෝහල්ගතව ප්රතිකාර ලබන බව විදෙස් මාධ්ය වැඩිදුරටත් වාර්තා කර තිබේ.
තුර්කියේ මධ්යම සහ බස්නාහිර ප්රදේශවල මේ වන විටත් ළැව්ගිනි සක්රීය තත්ත්වයේ පවතින බව තුර්කි මාධ්ය සඳහන් කරයි.
මේ හේතුවෙන් අවදානමට ලක්වී ඇති කලාපවල වෙසෙන පිරිස් කඩිනමින් ආරක්ෂිත ස්ථාන වෙත යොමු කිරීමට බලධාරීන් පියවර ගෙන ඇත.