ඝාතන සැකකරුවෙක් අත්අඩංගුවට

මනුෂ්‍ය ඝාතනයකට සම්බන්ධ සැකකරුවෙකු මාතලේ කොට්ඨාස අපරාධ විමර්ශන කාර්යංශය විසින් අත්අඩංගුවට ගෙන තිබේ.

ඊයේ (01) සවස් කාලයේ මහවෙල පොලිස් වසමේදී මෙම සැකකරු අත්අඩංගුවට ගත් බව පොලීසිය පැවසීය.

අත්අඩංගුවට ගත් සැකකරු දොඩම්ගස්ලන්ද ප්‍රදේශයේ පදිංචි 43 හැවිරිදි පුද්ගලයෙකි. 

මෙම සැකකරු විසින් පසුගිය පෙබරවාරි 22 වනදා මහවෙල පොලිස් වසමේ මිල්ලවාන, ලූල්කඩ වත්තේදී අවුරුදු 73ක පුද්ගලයෙකු වාඩියක් තුළදී කපා කොටා ඝාතනය කර තිබුණි.

එම ඝාතනය සම්බන්ධයෙන් මාතලේ කොට්ඨාස අපරාධ විමර්ශන කාර්යංශය හා මහවෙල පොලිස් ස්ථානය මගින් සිදුකළ විමර්ශනයකට අනුව මෙම සැකකරු මෙලෙස අත්අඩංගුවට ගෙන ඇත.

සිද්ධිය සම්බන්ධයෙන් මහවෙල පොලීසිය වැඩිදුර විමර්ශන සිදුකරනු ලබයි.