තවත් ආපදා මරණ දෙකක්

පුලිපංචිකල් ඔයේ ගංවතුරෙහි සැඩ පහරකට හසුවී අතුරුදහන් ව සිටි පුද්ගලයින් දෙදෙනාගේ මෘත ශරීර සොයාගෙන ඇත.

පොලීසිය පැවසුවේ පසුගිය 25 වනදා වාලච්චේන, පුලිපංචිකල් ප්‍රදේශයේ ඇති වූ ගංවතුර තත්ත්වය පැවති අවස්ථාවේ දී මෙම අතුරුදහන් වීම වාර්තා වූ බවය.

ප්‍රදේශවාසීන්ගේ සහය ඇතිව වාලච්චේන පොලිස් ස්ථානයේ නිලධාරීන් විසින් මෙම දියේ ගිලී අතුරුදහන් වූ පුද්ගලයන් දෙදෙනාගේ මෘත ශරීර ඊයේ (26) දින උදෑසන  සොයාගෙන තිබුණි.

මෙලෙස මියගොස් ඇත්තේ අවුරුදු 52 හා 71 වයස්වල පසු වූ කිරාන් හා සංදිවේලි ප්‍රදේශවල පදිංචිකරුවන් ය.

වාලච්චේන පොලීසිය වැඩිදුර විමර්ශන සිදුකරයි.