ඉමදූවේදී බස් රථ 3ක් එකිනෙක ගැටෙයි

ගාල්ල ඉමදූව අඟුලුගහ හන්දියේදී බස් රථ 03ක් එකිනෙක ගැටී අනතුරක් සිදුව තිබේ.

අද පෙරවරු 8.30ට පමණ මෙම අනතුර සිදුව තිබේ.

අනතුරට පත්ව ඇත්තේ පුද්ගලික මගී ප්‍රවාහන බස් රථ දෙකක් සහ කාර්යාල සේවකයින් ප්‍රවාහනය කරනු ලබන බස් රථයක් බවත් වාර්තා වේ.

මෙහිදී එක් බස් රථයක් නවත්වා තිබියදී පැමිණි තවත් බස් රථ දෙකක් මෙහි ගැටී මෙම අනතුර සිදුව තිබේ.

අනතුරින් පුද්ගලයින් 29 තුවාල ලබා ඇති අතර ඔවුන්ගෙන් 23 දෙනෙකු ඉමදූව රෝහල වෙතත් තවත් පුද්ගලයින් 6 දෙනෙකු කරාපිටිය රෝහලටත් ඇතුළත් කිරීමට පියවර ගෙන තිබේ.