නිදහස් පක්ෂය ඉදිරි මැතිවරණයට අත ලකුණින් ?
January 25, 2025 04:23 pm
ඉදිරි මැතිවරණ සඳහා ශ්‍රී ලංකා නිදහස් පක්ෂය අත ලකුණ යටතේ තරග කළ යුතු බව පක්ෂ සංවිධායකවරු දැඩි මතයක පසුවන බව දේශපාලන ආරංචි මාර්ග පවසයි.
ශ්‍රී ලංකා නිදහස් පක්ෂය තුළ මතුව ඇති අර්බුදකාරී වාතාවරණය හමුවේ පක්ෂය මේ වන විට කොටස් කිහිපකට බෙදී පවතී.
මෙම තත්ත්වය තුළ එක් පාර්ශ්වයක් පුටුව ලකුණින් ඉදිරි මැතිවරණ සඳහා තරග කළ යුතු බව පවසන අතර තවත් පාර්ශ්වයක් අත ලකුණින් තරග කළ යුතු බවට පවසා ඇත.
එහෙත් ශ්‍රී ලංකා නිදහස් පක්ෂය නීත්‍යානුකූල භාවට පත්කර අත ලකුණ යටතේ තරග කළ යුතු බවයි බොහෝ පක්ෂ සංවිධායකවරු පිරිසක් පෙන්වා දී ඇත්තේ.
අත ලකුණ යටතේ තරග කළ යුතු බවට මීට වසර කිහිපයකට පෙරම පක්ෂ සංවිධායකවරු සඳහන් කළද පක්ෂ නායකත්වට සහ පත්වූ ලේකම්වරුන්ගේ විවිධ මත අනුව එම කටයුතු ක්‍රියාත්ම නොවීය.
එහෙත් ඉදිරියේදී නිදහස් පක්ෂය යළි බලයක් ලබා ගනිමින් දේශපාලන ධාරාවේ සක්‍රීයව කටයුතු කිරීමට නම් අත ලකුණ යටතේ තරග කළ යුතු බවයි සංවිධායකවරුන් අවධාරණය කර ඇත්තේ.
