කෝපා සභාපති ලෙස අරවින්ද සෙනරත් පත්කෙරේ

දසවැනි පාර්ලිමේන්තුවේ රජයේ ගිණුම් පිළිබඳ කාරක සභාව හෙවත් කෝපා කමිටුවේ අභිනව සභාපතිවරයා ලෙස ජාතික ජනබලවේගය පාර්ලිමේන්තු මන්ත්‍රී අරවින්ද සෙනරත් මහතා අද (24) පත්විය. 

දසවැනි පාර්ලිමේන්තුවේ පළමු සභාවාරය සඳහා කෝපා කමිටුව අභිනවයෙන් රැස්වූ අවස්ථාවේදී ඔහු පත්කිරීම සිදු කෙරිණි.

සභාපතිධුරය සඳහා පාර්ලිමේන්තු මන්ත්‍රී අරවින්ද සෙනරත් මහතාගේ නම ජාතික ජනබලවේගයේ පාර්ලිමේන්තු මන්ත්‍රීවරුන් වන චන්දන සූරියආරච්චි සහ සුසන්ත කුමාර නවරත්න යන මහත්වරු විසින් පිළිවෙලින් යෝජනාකර ස්ථිර කර ඇත.