මහ රෑ සිදුවුණ බිහිසුණු අනතුර

මාතර, අකුරැස්ස ප්‍රධාන මාර්ගයේ රාහුල මංසන්ධිය අසල දී මෝටර් රථයක් මාර්ගයෙන් ඉවතට පැන බිහිසුණු අනතුරක් සිදුව තිබුණි.

ඊයේ (01) රාත්‍රියේ අදාළ අනතුර සිදුව තිබූ අතර, අනතුරින් මෝටර් රථයේ ගමන් ගත් පුද්ගලයින් තිදෙනෙකු තුවාල ලබා මාතර මහ රෝහලට ඇතුළත් කර ඇත.

මෝටර් රථය අකුරැස්ස සිට මාතර දෙසට ධාවනය කරමින් තිබිය දී රියදුරුට රථය පාලනය කර ගැනීමට නොහැකිව මෙම අනතුර සිදුව තිබූ අතර අනතුරින් රථයට දැඩි හානි සිදුව තිබුණි.

මාර්ගය අයිනේ තිබු විදුලි පහන් කණුවකටද අනතුරින් අලාභ හානි සිදුව ඇති අතර අනතුර සම්බන්ධයෙන් මාතර පොලීසිය වැඩිදුර පරීක්ෂණ පවත්වයි.