සයුරෙන් එතෙර
කැනඩාවෙත් වැඩ වර්ජන
Nov 16, 202405:36 PM
වැටුප් ඉහළ දැමීම ඇතුළු ඉල්ලීම් කිහිපයක් මුල්කර ගනිමින් කැනඩාවේ තැපැල් වෘත්තිය සමිති වැඩ වර්ජනයක් ආරම්භ කර තිබේ.
ඊට 55,000ක පමණ පිරිසක් එක්ව සිටින බව වාර්තා වේ.
ඔවුන් දින 3ක් වැඩ වර්ජනයේ නිරත වීමට සැලසුම් කර ඇති බව විදෙස් මාධ්‍ය වාර්තා කරයි.
ඔවුන් මෙලෙස වැඩ වර්ජනයක් ආරම්භ කර ඇත්තේ වසර 6කින් පසුව දෙවන වරට බව සඳහන් වේ.
උද්ධමනය සහ ජීවන වියදම ඉහළ යාමට සමගාමීව වැටුප් ඉහළ දමන ලෙසට වැඩ වර්ජනයේ නිරත තැපැල් වෘත්තිකයින් ඉල්ලීම් කරයි.
එමෙන්ම සේවා කිරීමට සුදුසු පරිසරයක් නිර්මාණය කර දෙන ලෙස දී ඔවුන් ඉල්ලා සිටී.
තැපැල් සේවකයින්ට වසර 4ක් තුළ දී සියයට 11.5ක වැටුප් ඉහළ දැමීමක් ලබා දීමට බලධාරීන් එකඟ වී ඇත.
කෙසේ වුවද එය ප්‍රමාණවත් නොවන බව වැඩ වර්ජනයෙන් නිරත පිරිසගේ අදහස බව සඳහන් වේ.
ඔවුන් ඉල්ලීම් කරන්නේ සියයට 22ක් වැටුප් ඉහළ දමන ලෙසටය.
