මාරක රිය අනතුරු කිහිපයකින් පුද්ගලයන් 5 දෙනෙකු මරුට

මාරක රිය අනතුරු කිහිපයකින් පුද්ගලයින් 05 දෙනෙකු මියගොස් තිබේ.

පොලීසිය පැවසුවේ ඊයේ (13) මෙම අනතුරු සිදුව ඇති බවය.

මාවතගම පොලිස් වසමේ කුරුණෑගල මහනුවර මාර්ගයේ බෝයගොඩ ප්‍රදේශයේදී මහනුවර දෙස සිට කුරුණැගල දෙසට ධාවන වූ වාහනයක පදික පුද්ගලයෙකු ගැටී මියගොස් තිබේ.

මියගොස් ඇත්තේ අවුරුදු 34ක් වූ උඩකොට්ටමුල්ල, වෑඋඩ ප්‍රදේශයේ පදිංචිකරුවෙකි.

කිරිබත්ගොඩ තැඹිලිගස්මුල්ල ප්‍රදේශයේදී අතුරු මාර්ගයක සිට මාකොළ දෙසට ධාවනය වූ යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට ගොස් විදුලි රැහැන් කණුවක ගැටී තරුණයෙකු මියගොස් තිබේ.

මියගොස් ඇත්තේ අවුරුදු 18ක් වූ මහර, කඩවත ප්‍රදේශයේ පදිංචිකරුවෙකි.

වාකරේ මඩකලපුව ත්‍රිකුණාමලය මාර්ගයේ කණ්ඩල්ඩි ප්‍රදේශයේදී ත්‍රිකුණාමලය දෙස සිට වාලච්චේන දෙසට ධාවනය වූ යතුරුපැදියක් පාපැදියක ගැටී සිදුවූ අනතුරකින් පාපැදිකරු මියගොස් තිබේ.

මියගොස් ඇත්තේ අවුරුදු 56ක් වූ පුලියන්කණ්ඩල්අඩි වාකරේ ප්‍රදේශයේ පදිංචිකරුවෙකි.

අඹේපුස්ස ත්‍රිකුණාමලය මාර්ගයේ තොළඹුගොල්ල ප්‍රදේශයේදී කුරුණෑගල දෙස සිට දඹුල්ල දෙසට ධාවනය වූ යතුරුපැදියක් මාර්ගය හරහා ගමන් කළ පදික කාන්තාවගේ ගැටී සිදුවූ අනතුරුන් පදික කාන්තාව මියගොස් තිබේ.

මියගොස් ඇත්තේ අවුරුදු 66ක් වූ තොළඹුගොල්ල, ගලේවෙල ප්‍රදේශයේ පදිංචිකාරියකි.

කොළඹ රත්නපුර මාර්ගයේ පහළ තලාවිටිය ප්‍රදේශයේදී ඇහැලියගොඩ දෙස සිට කුරුවිට දෙසට ධාවනය වූ යතුරුපැදියක් ලොරි රථයකට ඉස්සර කිරීමට යාමේදී ඉදිරියෙන් පැමිණි කන්ටේනර් රථයක ගැටී සිදුවූ අනතුරින් යතුරුපැදිකරු මියගොස් තිබේ.

මියගොස් ඇත්තේ අවුරුදු 28ක් වූ දව්ලගල කලවාන ප්‍රදේශයේ පදිංචිකරුවෙකි.