දුම්රියේ ගැටී කාන්තාවක් මරුට

හික්කඩුව, අමරසේන මාවත අනාරක්ෂිත දුම්රිය හරස් මාර්ගයේදී කාන්තාවක් දුම්රියේ ගැටී මියගොස් තිබේ.

ඊයේ (09) සවස් කාලයේදී ‍ගාල්ල සිට අළුත්ගම බලා ධාවනය වූ දුම්රියක එම කාන්තාව ගැටී තිබුණි.

එලෙස මියගොස් ඇත්තේ, වල්පිටිමුල්ල, දෙවලපොළ ප්‍රදේශයේ පදිංචිව සිටි 66 හැවිරිදි කාත්තාවකි.

මෘත ශරීරය හදිසි මරණ පරීක්ෂණය සිදුකර කරාපිටිය රෝහලේ මෘත ශරීරාගාරයේ තැන්පත් කර ඇති අතර හික්කඩුව පොලීසිය වැඩිදුර විමර්ශන සිදුකරනු ලබයි.