කළුතරදී මනුෂ්‍ය ඝාතනයක්

කළුතර දකුණ පොලිස් වසමේ කුරුනෛයිදාගොඩ වත්ත අධිවේගී පාලම අසලදී තියුණු ආයුධයකින් පහරදී පුද්ගලයෙකු ඝාතනය කර තිබේ.

මරණකරු අවුරුදු 65ක් වූ බොලොස්ගම, කළුතර දකුණ ප්‍රදේශයේ පදිංචිකරුවෙකි.

ඊයේ (02) රාත්‍රියේදි මෙම ඝාතනය සිදුව ඇති බව පොලීසිය පැවසීය.

ඝාතනයට අදාළව පොලීසිය විසින් සිදුකළ විමර්ශනයේදී බොලොස්ගම, කළුතර දකුණ ප්‍රදේශයේ පදිංචි අවුරුදු 41ක් වන සැකකරුවෙකු පොලීසිය විසින් අත්අඩංගුවට ගෙන තිබේ. 

සැකකරු සමග ඝාතනයට යොදාගත් තියුණු ආයුධය හා සැකකරු ගමන් කළ පාපැදියද පොලිස් භාරයට ගෙන තිබේ.

සිද්ධිය සම්බන්ධව කළුතර දකුණ පොලීසිය වැඩිදුර විමර්ශන පවත්වයි.