දුම්රියේ ගැටී 23 හැවිරිදි තරුණියක් මරුට
October 29, 2024 07:47 pm
අලුත්ගම සිට පොල්ගහවෙල බලා අද (29) ධාවනය වූ සීඝ්‍රගාමී දුම්රියේ ගැටී තරුණියක් මියගොස් තිබේ.
අනතුරෙන් මියගොස් ඇත්තේ පයාගල ,ගල්ලනමුල්ල ප්‍රදේශයේ පදිංචිව සිටී 23 හැවිරිදි තරුණියකි.
කළුතර වේලාපුර විද්‍යාලය පිටුපස ප්‍රදේශයේ දුම්රිය මාර්ගයේදී මෙම තරුණිය දුම්රියේ ගැටී ඇති බව පොලීසිය පවසයි.
ඊට සුළු මෙහොතකට පෙර ඇය දුම්රිය මාර්ගය ආසන්නයේ රැඳී සිටිමින් දුරකථන ඇමතුමක් ලබාගෙන ඇති බවත් හෙළි වී තිබේ.
කළුතර දකුණ පොලීසිය වැඩිදුර පරීක්ෂණ පවත්වයි.
