ඇල්පිටියේ ඡන්දය ප්‍රකාශ කිරීම අවසන් - ගණනය කිරීම් ඇරඹෙයි
October 26, 2024 04:02 pm
ඇල්පිටිය ප්‍රාදේශීය සභා ඡන්ද විමසීමේ කටයුතු අද (26) පස්වරු 4.00ට අවසන් කෙරුණි.
ගාල්ල දිස්ත්‍රික් තේරීම්භාර නිලධාරී ඩබ්ලිව්.ඒ. ධර්මසිරි මහතා සඳහන් කළේ අදාළ ඡන්ද මධ්‍යස්ථාන තුළදීම ඡන්දය ගණනය කිරීම් සිදුකෙරෙන බවය.
එමෙන්ම ඡන්ද විමසීමේ කටයුතු ඉතා සාමකාමී තත්ත්වයක් තුළ පැවැති බවද ඔහු වැඩිදුරටත් සඳහන් කළේය.
ගාල්ල දිස්ත්‍රික් තේරීම්භාර නිලධාරී ඩබ්ලිව්.ඒ. ධර්මසිරි මහතා,
"අද පස්වරු 3 පමණ වනවිට නියමිත ඡන්ද ප්‍රමාණයෙන් ඡන්ද 51%ක ප්‍රමාණයක් ඡන්දය භාවිත කර තිබුණා. අද පස්වරු 4:30ට පමණ ඒ ඒ ඡන්දපොළේදීම ඡන්දය ගණනය කිරීමේ කටයුතු ආරම්භ කෙරෙනවා."
