යතුරුපැදි අනතුරින් 18 හැවිරිදි තරුණයා ජීවිතක්ෂයට

මුල්ලියවලෙයි -  නෙදුන්කේනි මාර්ගයේ සිදුවූ යතුරුපැදි අනතුරකින් තරුණයෙක් මියගොස් තිබේ.

ඊයේ (09) එම අනතුරින් මියගොස් ඇත්තේ, මුල්ලියවලෙයි ප්‍රදේශයේ පදිංචි 18 හැවිරිදි තරුණයෙකි.

කනුක්කේනි ප්‍රදේශයේදී පුඳන්වයල් හන්දිය දෙසට ධාවනය වූ යතුරුපැදියක් ප්‍රතිවිරුද්ධ දෙසින් පැමිණි යතුරුපැදියක් මුහුණට මුහුණ ගැටීමෙන් එම අනතුර සිදුව ඇත.

සිද්ධිය සම්බන්ධයෙන් මුල්ලියවලෙයි පොලීසිය වැඩිදුර විමර්ශන සිදුකරයි.