සමන් රත්නායක ව බන්ධනාගාරයට රැගෙන එයි

අද (02) දින රක්ෂිත බන්ධනාගාර ගත කෙරුණු සෞඛ්‍ය අමාත්‍යාංශයේ අතිරේක ලේකම් සමන් රත්නායක මහතාව අද පස්වරුවේ කොළඹ මැගසින් බන්ධනාගාරය වෙත රැගෙන ආවේය.

ඉන් අනතුරුව ඔහුව මහර බන්ධනාගාරය වෙත රැගෙනයෑමට නියමිත බවට ද තොරතුරු වාර්තා වෙයි.

ආන්දෝලනාත්මක හියුමන් ඉමියුනෝග්ලොබියුලින් සිද්ධිය සම්බන්ධයෙන් සමන් රත්නායක, ඊයේ (01) අපරාධ පරීක්ෂණ දෙපාර්තමේන්තුවට කැඳවා තිබිණි.

එහිදී ඔහුගෙන් පැය 09කට අධික කාලයක් ප්‍රශ්න කිරීමෙන් අනතුරු ව අපරාධ පරීක්ෂණ දෙපාර්තමේන්තුව මඟින් අත්අඩංගුවට ගත්තේය.

පසුව ඔහු අද මාලිගාකන්ද මහෙස්ත්‍රාත් අධිකරණයට ඉදිරිපත් කළ අතර, එහිදී රක්ෂිත බන්ධනාගාරගත කිරීමට නියෝග කෙරුණි.