මාලදිවයින ඉන්දියාවෙන් ඈත් වෙයිද ?

ඉන්දියාව සහ මාලදිවයින අතර මතවාද වර්ධනයවෙමින් ඇති පසුබිමක මාලදිවයින් චීනයට සමීපවෙමින් ඇති බව විදෙස් මාධ්‍ය පෙන්වා දෙයි.

මාලදිවයිනට වැඩි වශයෙන් සංචාරකයින් යොමු කරන ලෙස එරට ජනාධිපති මොහොමඩ් මුයිසු චීනයෙන් ඉල්ලා ඇත.

ඒ ඔහුගේ චීන සංචාරය අතරතුරදීය.

මාලදිවයිනට වැඩි වශයෙන් සංචාරකයින් පැමිණෙන රටක් වූයේ ඉන්දියාවය.

එහෙත් ඉන්දියාව සහ මාලදිවයින අතර මේ වනවිට රාජ්‍ය තාන්ත්‍රික අර්බුධයක් වර්ධනය වෙමින් පවතී.

කෙසේවෙතත් විදෙස් මාධ්‍ය වැඩිදුරටත් පෙන්වා දෙන්නේ පවතින ගැටළු නිරාකරණය කරගැනීම සඳහා සංචාරයකට පැමිණීමට සූදානම් බව මාලදිවයිනේ ජනාධිපතිවරයා ඉන්දියාවට දන්වා ඇති බවය.

ඒ සම්බන්ධයෙන් ඉන්දියාව මෙතෙක් ප්‍රතිචාර දක්වා නැති බවද වාර්තා වෙයි.