නීති විරෝධී බීඩි කොළ තොගයක් නාවික හමුදා භාරයට

නීති විරෝධී ලෙස මෙරටට රැගෙන ආ බීඩි කොළ කිලෝග්‍රෑම් 2,000කට ආසන්න තොගයක් නාවික හමුදා භාරයට ගෙන තිබේ.
 
‍නොරොච්චෝලේ ආර්ථික මධ්‍යස්ථානය අසල නවතා තිබූ සැකකටයුතු ලොරි රථයක් පරික්‍ෂා කිරීමේ දී බීඩි කොළ කිලෝග්‍රෑම් 1,955ක තොගයක් සොයාගත් බව නාවික හමුදාව පවසයි.

සැකකරුවන් පිළිබඳ අනාවරණය වී නොමැති අතර, බීඩිකොළ තොගය සහ ලොරි රථය ඉදිරි විමර්ශන සඳහා කටුනායක රේගු නිවාරණ කාර්යාලය වෙත භාරදීමට කටයුතු කර ඇත.