පුද්ගලයෙක් පාලමකින් බොල්ගොඩ ගඟට වැටෙයි

බොල්ගොඩ ගඟට වැටී පුද්ගලයෙකු අතුරුදන්වී තිබේ.

පානදුර දුම්රිය ස්ථානය ආසන්නයේ බොල්ගොඩ ගඟ හරහා ඉදිකර ඇති දුම්රිය පාලමේදී මෙම අනතුර සිදුවී ඇත.

එහි මගීන්ට ගමන් කිරීම සඳහා සකස් කර ඇති කොටසේ ගමන් කරමින් සිටි පුද්ගලයෙකු මෙලෙස බොල්ගොඩ ගඟට ඇදවැටී තිබේ.   

ගඟට ඇදවැටී ඇති පුද්ගලයා තවත් පුද්ගලයකු සමග පානදුර දෙස සිට එගොඩඋයන දෙසට ගමන් කිරීමේදී අනතුර සිදුවී ඇත.

අදාළ පාලම් කොටස දැඩි ලෙස අබලන්වී ඇති බවද වාර්තා වෙයි.

පානදුර පොලිස් ජීවිත ආරක්ෂක නිලධාරීන්, නාවික හමුදා ජීවිත ආරක්ෂක නිලධාරීන් සහ ප්‍රදේශවාසීන් එක්ව අතුරුදන් වූ පුද්ගලයා සෙවීමේ මෙහෙයුම් ආරම්භ කර තිබේ.

පොලීසිය සඳහන් කළේ ඒ සඳහා කුඩා බෝට්ටු දෙකක් ද යොදවා ඇති බවය.