ඔස්ට්‍රේලියාව බෑ කියයි

සෞදි අරාබිය ට 2034 ලෝක පාපන්දු කුසලාන තරගාවලිය පැවැත්වීමේ අවස්ථාව හිමිවිය හැකි බව රොයිටර්ස් පුවත් සේවය වාර්තා කරයි.

එම අවස්ථාව හිමි කරගැනීම සඳහා ඔස්ට්‍රේලියාව ද තරග කිරීමට සැලසුම් කර සිටියද ඔවුන් අද ඒ සඳහා ඉදිරිපත් නොවීමට තීරණය කළේය.

ඒ සඳහා ඉල්ලුම් කිරීමට ලබාදී තිබූ කාලය අදින් (31) අවසන් වෙයි.

ඒ අනුව ඒ සඳහා ඉල්ලුම් කර තිබූ සෞදි අරාබියට 2034 පාපන්දු ලෝක කුසලාන සත්කාරකත්වය හිමිවීමට ඉඩ තිබේ.

2026 පාපන්දු ලෝක කුසලාන තරගාවලිය අමෙරිකාව, මෙක්සිකෝව සහ කැනඩාව යන රටවල පැවැත්වෙයි.

එසේම 2030 තරගාවලිය මොරොක්කෝව, පෘතුගාලය සහ ස්පාඤ්ඤය යන රටවල් ප්‍රධාන සත්කාරකත්වය ලබාගෙන ඇති අතර තරග කිහිපයක් ආජන්ටිනාව පැරගුවේ සහ උරගුවේ යන රටවලද පැවැත්වීමට නියමිතය.