රථවාහන ධාවනයට බාධා...

මධ්‍යම කඳුරයට ඊයේ (27) රාත්‍රියේ සිට ඇදහැලෙන වර්ෂාව හේතුවෙන් හැටන් - නුවරඑළය ඒ 7 ප්‍රධාන මාර්ගයේ පැවති ඝන මිඳුම් තත්ත්වය හේතුවෙන් රථ වාහන ගමනා ගමනයට බාධා පැමිණ තිබේ.

සතිඅන්ත දිර්ඝ නිවාඩුවත් සමඟ නුවරඑළියට සංචාරකයන් විශාල පිරිසක් පැමිණෙන බැවින් එම මාර්ගයේ රථ වාහන ධාවනය කිරීමේදී වාහනයේ ඉදිරිපස ප්‍රධාන ලාම්පුව දල්වාගෙන සෙමින් රිය ධාවනය කරන ලෙස නුවරඑළිය පොලීසිය රියදුරන්ගෙන් ඉල්ලා සිටී.

මේ වනවිට කාසල්රි සහ මවුස්සාකැලේ ජලාශවල ජල මට්ටමද ඉහළ යමින් පවතින බව ජලාශ භාර ඉංජිනේරුවන් පවසයි.