ශ්‍රී ලංකා සංචිතය සහිත නිල නිවේදනය නිකුත් කරයි
September 26, 2023 05:00 pm
ඉන්දියාවේ පැවැත්වෙන ලෝක කුසලාන තරගාවලියට සහභාගී වන ශ්‍රී ලංකා කණ්ඩායම අද (26) ශ්‍රී ලංකා ක්‍රිකට් ආයතනය විසින් නිල වශයෙන් නිවේදනය කළේය.
එම නිවේදනයට අනුව වනිඳු හසරංග සහ දුෂ්මන්ත චමීර කණ්ඩායමට නම්කර නොමැත.
ඒ ඔවුන් විවිධ ආබාධයන්ට ලක්වී ඇති බැවිණි.
වනිඳු හසරංග වෙනුවට දුෂාන් හේමන්ත ව කණ්ඩායමට නම්කර තිබේ.
එසේම නම්කර ඇති ක්‍රීඩකයින් 15 දෙනාට අමතරව කණ්ඩායම සමග අතිරේක ක්‍රීඩකයෙක් ලෙස චාමික කරුණාරත්න ඉන්දියාවට යයි.
ශ්‍රී ලංකා කණ්ඩායම අද සවස ඉන්දියාව බලා පිටත්වීමට නියමිතය.
