තරුණ යුවළක් රෝහලට යැවූ අනතුර

හැටන් සිට කොටගල දක්වා අධික වෙගයෙන් ධාවන වු යතුරු පැදියක් ලිස්සා ගොස් සැතපුම් කණුවක ගැටී අනතුරක් සිදුව තිබේ.

අනතුරින් යතුරුපැදියේ ගමන් ගත් තරුණයෙකු සහ තරුණියක් තුවාල ලබා දික්ඔය මුලික රෝහල වෙත ඇතුළත් කළ බව හැටන් පොලීසිය පැවසීය.

ඊයේ (26) සවස 4ට පමණ එම අනතුර සිදු වී ඇත්තේ හැටන් නුවරඑළිය ප්‍රධාන මාර්ගයේ හැටන් ස්ටැඩන් වත්ත ප්‍රදේශයේදීය.

අධික වේගයෙන් ධාවන කර ඇති යතුරුපැදිය ලිස්සා ගොස් මාර්ගය අභියස තිබු සැතපුම් කණුවේ ගැටී අනතුර සිදු වී ඇති බවත් අනතුරින් යතුරුපැදියට දැඩි අලාභ හානි සිදුවී ඇති බවත් අනතුර පිළිබඳ පරීක්ෂණ පවත්වන හැටන් පොලීසිය පැවසීය.