තවත් අමානුෂික ඝාතනයක්

පානදුර, දිග්ගල හන්දියේදී පහරදීමක් හේතුවෙන් පුද්ගලයෙකු මියගොස් ති‌බේ.

ඊයේ (24) රාත්‍රී කාලයේදී එම පහරදීම සිදුව ඇති අතර පහරකෑ පුද්ගලයා පානදුර දකුණ මූලික රෝහලට ඇතුළත් කිරීමේ දී මෙලෙස මියගොස් ඇත.

මියගොස් ඇත්තේ, 46 හැවිරිදි තොටවත්ත, පානදුර ප්‍රදේශයේ පදිංචිකරුවෙකි.

මරණකරු සැකකරු සමග ත්‍රිරෝද රථගාලේ වූ ආරවුලක් සම්බන්ධයෙන් ඇතිවූ බහින්බස්වීමක් දුරදිග යාමෙන් මරණකරු සැකකරුට  ත්‍රිරෝද රථයේ පැති කණ්ඩියෙන් පහරදී ඇත.

එම අවස්ථාවේදී මරණකරුට සැකකරු විසින් අතින් පයින් පහරදීම හේතුවෙන් රෝහල් ගත කිරීමේදී මියගොස් තිබේ.

සිද්ධිය සම්බන්ධයෙන් පහරදීම සිදුකළ වයස අවුරුදු 45ක් වන කෙසෙල්වත්ත, පානදුර ප්‍රදේශයේ පදිංචි සැකකරුවෙකු පොලීසිය විසින් අත්අඩංගුවට ගෙන ඇත.

කෙසේවෙතත් අප වාර්තාකරු පැවසුවේ ත්‍රීරෝද රථ ගාලේ ඉඩ ලබානොදීම හේතුවෙන් මිතුරන් දෙදෙනෙකු විසින් මෙලෙස රණ්ඩු වී ඇති බවය.

පසුව එක් අයෙකු සිදුකළ පහරදීමෙන් අසනීප තත්ත්වයෙන් පසුවු පුද්ගලයා ජීවිතක්ෂයට පත්ව ඇති බව ද අප වාර්තාකරු පැවසීය.