නෙළුවේ සංජීවගේ ලෝකෙටම පෙන්වූ මනුස්සකම
June 28, 2023 04:28 pm
මහ මගදී මුදල් පසුම්බි අස්ථානගතවීමේ සිද්ධීන් පිළිබඳව මේ දිනවල බොහෝ ප්‍රමාණයක් අසන්නට ලැබෙයි.
එවැනි කාලයක තමන්ට හමුවූ මුදල් පසුම්බියක් අයිතිකරු සොයා භාරදීමේ පුවතක් කොළඹින් වාර්තාවිය.
අද උදෑසන ක්‍රීඩා අමාත්‍යාංශයේ සේවයේ නියුතු සේවකයෙකුගේ මුදල් පසුම්බියක් මෙලෙස අස්ථානගතවී තිබේ.
අනතුරුව අදාළ මුදල් පසුම්බිය දුටු බස් රථ රියදුරු මහතෙකු එය දැක පරීක්ෂා කර අයිතිකරු සොයාගැනීමට සමත්ව ඇත.
මෙම කර්තව්‍ය සිදුකළ රියදුරු මහතා ගාල්ල නෙළුව ප්‍රදේශයේ පදිංචි සංජීව නමැති අයෙකි.
ඔහු කොටුව-රාජගිරිය පෞද්ගලික බස් රථ රියදුරෙකි.
ඔහු විසින් එම මුදල් පසුම්බිය අහුලාගන්නා අවස්ථාවේ ඒ තුළ රුපියල් 50,000ක මුදලක්, හැඳුනුම්පත, රියදුරු බලපත්‍රය සහ බැංකු කාඩ්පත් රැසක් තිබී ඇත.
