මිනුවන්ගොඩ වෙඩිතැබීමේ CCTV දර්ශන
June 18, 2023 01:23 pm
පුද්ගලයින් දෙදෙනෙකුට තුවාල සිදුවු මිනුවන්ගොඩ බැස්ටියන් මාවත ප්‍රදේශයේ වෙඩිතැබීමේ සිදුවීමේ CCTV දර්ශන පෙළක් අප වෙත ලැබී තිබේ.
පොලීසිය සඳහන් කළේ, ඊයේ (17) රාත්‍රීයේ මෝටර් රථයකින් පැමිණි පිරිසක් විසින් යතුරුපැදියකින් ගමන් කරමින් සිටි දෙදෙනෙකුට මෙලෙස වෙඩි තබා ඇති බවය.
වෙඩිවැදීමෙන් තුවාල ලබා ඇත්තේ හීනැටියන ප්‍රදේශයේ පදිංචි 43 හැවිරිදි සහ 33 හැවිරිදි පුද්ගලයින් දෙදෙනෙකි.
වෙඩි වැදීමෙන් තුවාල ලැබූ ඔවුන්, මිනුවන්ගොඩ රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා ගම්පහ මහ රෝහලට මාරුකර යවා තිබේ.
දාගොන්න ප්‍රදේශයේ සිට මිනුවන්ගොඩ නගරය දෙසට ධාවනය වෙමින් තිබූ යතුරු පැදිය පසුකර යමින්, මෝටර් රථයේ සිටි වෙඩික්කරු වැඩිතැබීම සිදුකර ඇති අතර, එහිදී වෙඩි ප්‍රහාර කිහිපයක් එල්ලකර ඇති බව මිනුවන්ගොඩ පොලීසිය පවසයි.
ටී 56 වර්ගයේ ගිනි අවියකින් මෙම වෙඩිතැබීම සිදුකර ඇති බවට මූලික විමර්ශනවලදී අනාවරණ වී ඇති අතර සැකකරුවන් සොයා මිනුවන්ගොඩ පොලීසිය මඟින් වැඩිදුර විමර්ශන ක්‍රියාත්මකය.
