දෙහිවල මනුෂ්‍ය ඝාතනයක්
June 11, 2023 11:05 am
දෙහිවල ඕබන් ප්‍රදේශයේදී තියුණු ආයුධයකින් පහර දී පුද්ගලයෙකු ඝාතනය කර තිබේ.
පොලීසිය ප්‍රකාශ කළේ, පුද්ගලික ආරවුලක් දුරදිග යාම හේතුවෙන් පුද්ගලයෙකු විසින් තවත් පුද්ගලයෙකුට තියුණු ආයුධයකින් පහර දී ඇති බවය.
එහිදී බරපතළ තුවාල ලැබූ අදාළ පුද්ගලයා කළුබෝවිල රොහලට ඇතුළත් කිරීමෙන් පසු මියගොස් තිබේ.
මියගොස් ඇත්තේ 69 හැවිරිදි දෙහිවල ඕබන් ප්‍රදේශයේ පදිංචිව සිටි අයෙකු බව සඳහන්ය.
ඝාතනය සිදුකළ සැකකරු ප්‍රදේශයෙන් පළාගොස් ඇති අතර ඔහු අත්අඩංගුවට ගැනීම සඳහා දෙහිවල පොලීසිය වැඩිදුර විමර්ශන සිදුකරයි.
