කළුතර බෝධි පරිශ්‍රයේ බුදුමැදුර තුළ මළසිරුරක්
May 31, 2023 04:46 pm
කළුතර බෝධි පරිශ්‍රයේ බුදුමැදුර තුළ තිබී හිටපු විදුහල්පතිවරයෙකුගේ මළසිරුරක් සොයාගෙන තිබේ.
කළුතර දකුණ පොලීසිය සඳහන් කළේ අද (31) දහවල් කාලයේදී මෙම මළසිරුර සොයාගත් බවය.
කළුතර උතුර ප්‍රදේශයේ පදිංචිව සිටී අර්ල් මර්වින් මෙන්ඩිස් නමැති 72 හැවිරිදි විශ්‍රාමික විදුහල්පතිවරයෙකුවූ එක්දරු පියෙකු මෙලෙස මියගොස් ඇති බව පොලීසිය පැවසීය.
මියගොස් ඇති තැනැත්තා බුදුන් වැඳීම සඳහා නිතර කළුතර බෝධි පරිශ්‍රයට පැමිණෙන පුද්ගලයෙකු බවට තොරතුරු ලැබී ඇතැයි ද පොලීසිය පවසයි.
පරීක්ෂණවලින් පසු මෘතදේහය කළුතර ශික්ෂණ රෝහලට යොමුකරන බව පොලීසිය පැවසීය.
