වාහන නැවතුම් අංගනයක් කඩා වැටෙයි

අමෙරිකාවේ නිව් යෝර්ක් හි වාහන නැවතුම් අංගනයක් කඩා වැටීමෙන් පුද්ගලයෙකු මියගොස් තවත් 05 දෙනෙකු තුවාල ලබා තිබේ.

අදාළ ගොඩනැගිල්ල වාහන නැවතුම් සඳහා වෙන්කර ඇති අංගනයක් වන අතර එය කඩා වැටීමෙන් නවතා තිබු රථවාහනවලටද දැඩි හානි සිදුව ඇති බව විදෙස් මාධ්‍ය වාර්තා කළේය.

ගොඩනැගිල්ල කඩාවැටෙන අවස්ථාවේ කම්කරුවන් පිරිසක් සහ ආරක්ෂක නිලධාරීන් කණ්ඩායමක් එහි රැඳී සිට තිබේ.

අනතුරින් කම්කරුවෙකු එම ස්ථානයේදීම මිය ගොස් ඇති අතර තවත් පුද්ගලයින් 5 දෙනෙකු තුවාල ලබා රෝහල් ගත කර ඇති බව විදෙස් වාර්තා වැඩිදුරටත් සඳහන් කළේය.