සුනාමි යන්ත්‍රයට හසුවූ තිදරු පියාගේ හිස කඳෙන් වෙන්වෙයි
April 4, 2023 06:45 pm
වී අස්වැන්න නෙළීමට භාවිත කරන සුනාමි යන්ත්‍රයට හසුවීමෙන් සිදුවූ බිහිසුණු අනතුරකින් පුද්ගලයෙකු ජීවිතක්ෂයට පත්ව තිබේ.
මෙලෙස ජීවිතක්ෂයට පත්ව ඇත්තේ ගල්නෑව මිදෙල්ලව ප්‍රදේශයේ පදිංචිව සිටි 43 හැවිරිදි වියේ පසුවූ තිදරු පියෙකි.
මියගොස් ඇති පුද්ගලයා බදු පදනම මත ලබාගත් කුඹුරක අස්වනු නෙළීමට ගොස් ඇති අතර එහිදී අයහපත් කාලගුණය හේතුවෙන් යන්ත්‍රය නැවත්වීමට යාමේදී මෙම අනතුර සිදුව ඇත.
එහිදී සුනාමි යන්ත්‍රයේ ක්‍රියාත්මක වෙමින් පැවති බෙල්ට් කොටසකට හසුවීමෙන් ඔහුගේ හිස කඳෙන් වෙන්වීගොස් මෙම බිහිසුණු අනතුර සිදුව තිබේ.
ගල්නෑව පොලීසිය සිද්ධිය සම්බන්ධයෙන් වැඩිදුර විමර්ශන ආරම්භ කර ඇත.
