ජනකගේ කාර්යාලයේ මුද්‍රා ඉවත්කළ හැටි
March 1, 2023 09:03 pm
දින 13කට පසුව අද මුද්‍රා ඉවත් කෙරුණු මහජන උපයෝගීතා කොමිසමේ සභාපතිවරයාගේ නිල කාර්යාලයේ ලිපි ගොනු සියල්ල පොලීසිය සිය භාරයට ගෙන තිබේ.
කාර්යාලයේ මුද්‍රා ඉවත් කෙරුණේ සභාපති ජනක රත්නායක මහතා ඉදිරියේය.
මහජන උපයෝගීතා කොමිසමේ සභාපති ජනක රත්නායක මහතාගේ නිල කාර්යාලයට පෙබරවාරි 16 වැනිදා මුද්‍රා තැබීය.
ඒ කඩාකප්පල්කාරී පිරිසක් එහි රාජ්‍ය වටිනාකමක් ඇති ලිපි ගොනු අස්ථානගත කිරීමට හෝ විනාශ කිරීමට උත්සාහයක් ඇති බවට කොල්ලුපිටිය පොලිස් ස්ථානාධිපතිවරයා කොටුව මහේස්ත්‍රාත් අධිකරණය වෙත සිදුකළ කරුණු දැක්වීමක් සැලකිල්ලට ගනිමිනි.
ඒ අනුව නැවත ලංකාවට පැමිණීමෙන් පසු ඊයේ දිනයේ සභාපතිවරයා ඔහුගේ කාර්යාලය වෙත පැමිණියත් මුද්‍රා ඉවත් කිරීමට පොලීසිය කටයුතු නොකළ අතර අද දිනයේ ඔහු ඉදිරියේ කාර්යාලයේ මුද්‍රා ඉවත් කෙරුණි.
