යුක්‍රේනයට යුද ටැංකි ලබාදීමට ජර්මනියේ එකඟතාව
January 24, 2023 09:25 am
ලිපාර්ට් ටූ වර්ගයේ යුද ටැංකි පෝලන්තය විසින් යුක්‍රේනයට ලබාදීම සම්බන්ධයෙන් විරෝධය පළ නොකරන බව ජර්මනිය පවසයි.
ජර්මන් විදේශ අමාත්‍ය ඇනාර් බාර්බොක් ඊයේ (23) සඳහන් කළේ, පෝලන්තය මෙතෙක් ජර්මනියෙන් ඒ සම්බන්ධයෙන් අනුමැතිය ඉල්ලා නොමැති බවය.
ජර්මනියේ නිෂ්පාදිත යුද ටැංකි 200ක් පමණ පෝලන්තය සතුව පවතින අතර එම යුද ටැංකි යුක්‍රේනයට ලබාදීම සම්බන්ධයෙන් මීට පෙර ජර්මනිය විරෝධය පළකර තිබුණි.
කෙසේවුව ද ජර්මනියේ අනුමැතියක් නොලැබුණ ද එම යුද ටැංකි යුක්‍රේනයට ලබාදෙන බවට පෝලන්ත අග්‍රමාත්‍යවරයා ප්‍රකාශ කර තිබු අතර ඊට එකඟතාව පළකරන ලෙස අමෙරිකා සහ යුරෝපා සංගමය ජර්මනියට බලපෑම් එල්ල කළ බව වාර්තා වේ.
