උණුසුම් පුවත්
කුලියාපිටිය,බිංගිරිය, දුම්මලසූරිය පොලිස් බල ප්රදේශයන්ටත් ඇඳිරි නීතිය පනවයි
May 13, 201912:41 AM
වහාම ක්රියාත්මක වන පරිදි කුලියාපිටිය,බිංගිරිය, දුම්මලසූරිය පොලිස් බල ප්රදේශයටත් අද(13) උදෑසන 6 දක්වා පොලිස් ඇඳිරි නීතිය පනවා තිබේ.
පොලිස් මාධ්ය ප්රකාශක පොලිස් අධිකාරී රුවන් ගුණසේකර මහතා පවසා සිටියේ ඇති වු නොසන්සුන්කාරී තත්ත්වයක් පාලනය කිරීම සඳහා මෙලෙස ඇඳිරි නීතිය පැනවු බවයි.
කෙසේ වෙතත් ඇඳිරී නීතිය කඩ කරන පුද්ගලයින් හට දැඩිව දඬුවම් පනවන බව ද ඔහු වැඩි දුරටත් කියා සිටියේය.
මේ අතර හලාවත නගරයට ද අද අලුයම 4 දක්වා පොලිස් ඇඳිරි නීතිය පනවනු ලැබීය.
ජාතීන් අතර අසමගීය ඇතිකරන ආකාරයේ ප්රකාශයක් යම් පුද්ගලයෙකු විසින් සමාජ ජාලා මාධ්යයට මුදා හැරීම සම්බන්ධයෙන් ප්රදේශවාසීන් විසින් විරෝධය පල කිරීමත් සමඟ මෙම නොසන්සුන් කාරී තත්ත්වය හට ගෙන තිබේ.
කෙසේ වෙතත් මෙයට අදාළව එක් සැකකරුවෙක් මේ වන විට පොලීසිය විසින් අත්අඩංගුවට ගෙන ඇත.
