උණුසුම් පුවත්
හලාවත පොලිස් ඇඳිරි නීතිය අලුයම 4ට අවසන්
May 12, 201904:40 PM
හලාවත නගරයට පැනවු පොලිස් ඇදිරි නීතිය හෙට (13) අලුයම 4ට ඉවත් කරන බව පොලිස් මාධ්ය ප්රකාශක පොලිස් අධිකාරී රුවන් ගුණසේකර මහතා පවසා සිටියි.
ප්රදේශයේ හටගත් නොසන්සුන්කාරී තත්ත්වය මේ වන විට පාලනය කර ඇති බැවින් මෙම තීරණය ගත් බව අද පස්වරුවේ පැවති මාධ්ය හමුවකට එක්වෙමින් පොලිස් මාධ්ය ප්රකාශකවරයා පැවසුවේය.
ජාතීන් අතර අසමගිය ඇති වන ආකාරයේ ප්රකාශයක් සමාජ ජාල වෙබ් අඩවි වෙත මුදාහැරි පුද්ගලයෙකුට ප්රදේශවාසීන් විසින් විරෝධය පල කිරීමත් සමඟ අද පෙරවරුවේ හලාවත නගරයේ නොසන්සුන්කාරී තත්ත්වයක් හටගත්තේය.
පොලීසිය හමුදාව ඇතුළු ආරක්ෂක අංශ ඒකාබද්ධව තත්ත්වය පාලනය කිරීමට කටයුතු කර ඇති අතර සමාජ ජාල වෙබ් අඩවි ඔස්සේ ජාතීන් අතර අසමගිය ඇති වන ආකාරයේ ප්රකාශ පල කළ පුද්ගලයා අත්අඩංගුවට ගත් බවරුවන් ගුණසේකර මහතා සදහන් කළේය.
