ජනබලය අස්සේ කිරි පැකට් නිසා ලෙඩ වුණ මිනිස්සු

ජනබලය විරෝධතාවයට එක්වු පිරිසකට ලබා දුන් කිරි පැකට් වර්ගයක් පානය කිරීමෙන් පසු රෝගාතුර වු පුද්ගලයින් 18 දෙනෙකු වලස්මුල්ල රෝහලෙන් ප්‍රථිකාර ලබා පිටව ගොස් ඇති බව වාර්තා වෙයි.

අප කළ විමසීමකදී රෝහල් ප්‍රකාශකයෙකු කියා සිටියේ රෝහලට වෙත පැමිණ ඇත්තේ රෝගීන් දෙදෙනෙකු පමණක් බවයි.

පසුගිය 05 වැනිදා එකාබද්ධ විපක්ෂ විසින් සංවිධානය කළ “ජනබලය කොළඹට“ විරෝධතාවයට එක්වු පුද්ගලයින්ට කිසියම් පිරිසක් විසින් ලබා දුන් කිරි පැකට් පානය කිරීමේන් පසු වලස්මුල්ල ප්‍රාදේශිය සභා මන්ත්‍රීවරයෙතු ඇතුළු 8 දෙනෙකු කොළඹ ජාතික රෝහලට ඇතුළත් කර ප්‍රථිකාර ලබා දුන් බව වලස්මුල්ල ප්‍රාදේශිය සභ මන්ත්‍රී චමිත් ලියනාරච්චි මහතා අද දෙරණට පැවසීය.

තවත් කිහිප දෙනෙක් සෙසු පළාත්වලින් පැමිණ සිටි අය බව ද වාර්තා වෙයි.

රැළිය පවත්වා දින දෙකක් ඉකුත්ව ගොස් ඇති අතර, අද වන විටත් ඇතැම් පුද්ගලයින්ට එම කිරි පැකට් පානය කිරීම හේතුවෙන් ඇති වු රෝගී තත්ත්වය පහව ගොස් නොමැති බව ද වාර්තා වෙයි.

ඇතැම් පුද්ගලයින් මෙම කිරි පැකට් පානය කිරීමෙන් අනතුරුව නිවෙස්වල සිටි ඔවුන්ගේ දරුවන් සඳහා ද රැගෙන විත් තිබේ.

එම කිරි පැකට් අද වන විට විශාල ලෙස ඉදිමී ඇති ආකාරය ද දක්නට ලැබුණු බව අද දෙරණ වාර්තාකරු පැවසීය.