ලංගම බස් රථයට මගියෙකු යට වී බරපතළ තුවාලයි-දෙපාර්ශවයක් අතර උණුසුම් තත්ත්වයක්

නාවලපිටිය සිට හැටන් දක්වා ධාවනය වු ලංගම බස් රථයකට යට වී මගියෙකු බරපතළ ලෙස තුවාල ලබා  දික්ඔය මුලික රෝහල වෙත ඇතුලත් කර බව හැටන් පොලීසිය කියයි.

ඊයේ (22) පස්වරු 4.00 ට පමණ මෙම අනතුර සිදුවී ඇත්තේ හැටන් බස් නැවතුම්පොලේ බෝ ගහ අසලදීය.

නාවලපිටිය සිට හැටන් දක්වා ධාවනය වු බස් රථය බස් නැවතුම්පොලට ඇතුලත් කරනවාත් සමගම බස් රථය හරහා ගමන් කිරිමට  උත්සහ කල මගියෙකු බස් රථයේ ඉදිරිපස රෝදයට යට වී මෙම අනතුර සිදු වි ඇති බව අනතුර  පිලිබද පරික්ෂණ පවත්වන හැටන් පොලීසිය පවසයි.

බස් රථයේ රියදුරා හැටන් පොලීසිය මඟින් සැකපිට අත්අඩංගුවට ගෙන ඇති අතර, අනතුරෙන් තුවාල ලබා රෝහල් ගත කල තුවාල කරු බගවන්තලාව ප්‍රදේශයේ පදිංචිකරුවෙකු බව අනතුර පිලිබද පරික්ෂණ පවත්වන හැටන් පොලිසිය කියා සිටියේය.

මෙම අනතුර හේතුවෙන් බස් නැවතුම්පොලේ දෙපාර්ශවයක් අතර දැඩි උණුසුම් තත්ත්වයක්ද ඇති විය.