දක්ෂිණ අධිවේගි මාර්ගයේදී ලොරියක් ගිනි ගනියි

අද(08) දහවල් 12.10 ට පමණ දක්ෂිණ අධිවේගී මාර්ගයේ දී කඩවත සිට මාතර දෙසට ධාවනය වු රෙදිපිළි ප්‍රවාහනය කළ කැන්ටර් වර්ගයේ ලොරි රථයක් ගිනි ගෙන ඇත.

ලොරි රථයේ පිටුපස කොටසේ මෙම ගින්න ඇතිව තිබේ.

අධිවේගී මාර්ගයේ 19.51 හා 19.4 L යන ස්ථානයේ දී මෙය සිදුව ඇති බව පොලීසිය සඳහන් කරයි.

ගිනි ගැනීම නිසා ලොරි රථයේ ගමන් කළ කිසිවෙකුට තුවාල සිදුව නොමැති බව ද වාර්තා වෙයි.

ගින්නෙන් ලොරි රථයේ තිබු රෙදිපිළි තොගය සම්පූර්ණයෙන් ගිනි ගෙන ඇත.

මෙම අනතුර මිල්ලනිය පොලිස් වසමේ සිදුව ඇති අතර දක්ෂිණ අධිවේගී මාර්ගයේ ගැලනිගම පිවිසුම් පොලිස් මුරපොළ විසින් ගින්න මැඩ පවත්වා තිබේ.