පාර්ලිමේන්තු සභාවාරය ඇරඹෙයි 

අද (21) දිනට නියමිත පාර්ලිමේන්තු සභාවාරය මේ වන විට ආරම්භ කර තිබේ.

ඒ, කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙනි.

අද දිනයේ දී පාර්ලිමේන්තුවේ ස්ථාවර නියෝග 119 සහ 120 යටතේ තීරණ දෙකක් අනුමත කිරීම සඳහා විවාදයට ගැනීමට නියමිතව තිබේ.

මේ අතර අධිකරණ අමාත්‍ය හර්ෂණ නානායක්කාර මහතාට එරෙහි විශ්වාසභංග යෝජනාව අද දිනයේ කථානායකවරයා වෙත බාරදීමට විපක්ෂය තීරණය කර ඇති බව ද වාර්තා වෙයි.