රාජකීය අනුප්රාප්තික පෙළපතෙන් ඇන්ඩෲ ඉවත් කිරීමට රජය සලකා බලයි
February 21, 2026 05:34 pm
බ්රිතාන්ය රජය ඇන්ඩෲ මවුන්ට්බැටන්-වින්ඩ්සර් රාජකීය අනුප්රාප්තික පෙළපතෙන් ඉවත් කිරීම සඳහා නීති සම්පාදනය කිරීම සළකා බලමින් සිටින බවට විදෙස් මාධ්ය වාර්තා පවසයි.
ඔහුට එරෙහිව පවතින පොලිස් විමර්ශනයේ ප්රතිඵල කුමක් වූවත්, ඇන්ඩෘ අනාගතයේදී රජවීම වැළැක්වීමට මෙම පියවර ගැනීම වඩාත් නිවැරදි දෙයක් බව ආරක්ෂ අමාත්ය ලුක් පොලාර්ඩ් ප්රකාශ කර ඇත.
බීබීසී රේඩියෝ 4 හි වැඩසටහනට අදහස් දක්වමින් ඔහු මේ බව අවධාරණය කර තිබේ.
ළමා ලිංගික මූල්යකරුවකු වන ජෙෆ්රි එප්ස්ටයින් සමඟ ඇති සබඳතා සම්බන්ධයෙන් එල්ල වූ පීඩනය මධ්යයේ, පසුගිය ඔක්තෝබර් මාසයේදී ‘කුමරු’යන ඔහුගේ පදවි නාම ඉවත් කරනු ලැබීය.
රජුගේ සහෝදරයා වන ඇන්ඩෲ සිංහාසනයට අනුකූලව ඔහු දැනට අටවැනි ස්ථානයේ රැඳි සිටින බවට විදෙස් මාධ්ය වාර්තාවල සඳහන් වේ.
රාජ්ය කාර්යාලයේ විෂමාචාරයක් සම්බන්ධයෙන් පසුගිය බ්රහස්පතින්දා (19) පස්වරුවේ ඔහු සැකපිට අත්අඩංගුවට ගැනිණ.
පැය 11කට පසු ඇන්ඩෲ විමර්ශනයට යටත්ව නිදහස් කෙරුණු අතර ඔහු අදාළ චෝදනා දැඩි ලෙස ප්රතික්ෂේප කර ඇත.
හිටපු කුමරු ‘සිංහාසනයෙන් ඈත්ව තැබීම’සම්බන්ධයෙන් රජය බකිංහැම් මාලිගය සමඟ නියත වශයෙන්ම කටයුතු කරමින් සිටින බව සඳහන් වේ.
මෙය පාර්ශ්ව ගණනාවක සහයෝගය ලැබෙනු ඇතැයි තමන් බලාපොරොත්තු වන දෙයක් වුවත් එය පොලිස් විමර්ශනය අවසන් වූ විට පමණක් සිදුවන දෙයක් වීම සාධාරණ බව ලුක් පොලාර්ඩ් පැවසීය.
කෙසේවෙතත් ඇන්ඩෲ අනුප්රාප්තික පෙළෙන් ඉවත් කිරීමේ රජයේ සැලසුම් පිළිබඳව බකිංහැම් මාලිගය ප්රසිද්ධියේ අදහස් දක්වා නැත.
අනුප්රාප්තිකයා ඉවත් කිරීම සඳහා පාර්ලිමේන්තු පනතක් අවශ්ය වනු ඇති අතර, එය මන්ත්රීවරුන් විසින් අනුමත කළ යුතු වේ.
රජු විසින් රාජකීය අනුමැතිය ලබාදුන් විට එය බලාත්මක වනු ඇත.
කැනඩාව, ඕස්ට්රේලියාව, ජැමෙයිකාව සහ නවසීලන්තය ඇතුළුව III වන චාල්ස් රාජ්ය නායකයා වන පොදුරාජ්ය මණ්ඩලීය රටවල් 14 ද එයට සහාය දැක්විය යුතු බව විදෙස් මාධ්ය වාර්තාවල වැඩිදුරටත් දැක්වෙයි.
