දියේ ගිලී අතුරුදන් වීමක්
February 11, 2024 08:12 am
තලාතුඔය - හාරගම - ගෝනවත්ත ප්‍රදේශයේ දී මහවැලි ගඟේ දිය නෑමට ගිය පුද්ගලයෙකු දියේ ගිලී අතුරුදන් ව තිබේ.
ඊයේ (10) සවස් කාලයේ දී එම සිද්ධිය වාර්තා වූ බව තලාතුඔය පොලීසිය පවසයි.
එසේ දියේ ගිලී අතුරුදන් ව ඇත්තේ, ගුරුදෙණිය ප්‍රදේශයේ පදිංචි 29 හැවිරිදි පුද්ගලයෙකි.
මහනුවර පොලිස් ජීවිතාරක්ෂක නිලධාරින් හා ප්‍රදේශවාසින් එක් ව අතුරුදන් වූ අය සෙවීමේ කටයුතු සිදු කරන බව සඳහන් ය.
සිද්ධිය සම්බන්ධයෙන් තලාතුඔය පොලීසිය වැඩිදුර විමර්ශන සිදු කරයි.
