පන්නිපිටියේදී ව්‍යාපාරිකයෙකුට කඩු ප්‍රහාරයක්

පන්නිපිටිය ප්‍රදේශයේ පොත් අලෙවිසැලකදී තියුණු ආයුධයකින් කළ පහරදීමක් හේතුවෙන් එහි හිමිකරු සහ තවත් අයෙකු තුවාල ලබා තිබේ.

ප්‍රහාරයෙන් තුවාල ලැබූ ඔවුන් ප්‍රතිකාර සඳහා හෝමාගම මූලික රෝහල වෙත ඇතුළත් කර ඇත.

පන්නිපිටිය මාඹුල්ගොඩ ප්‍රදේශයේ පවත්වාගෙන යන මෙම පොත් අලෙවිසැල වෙත පැමිණි පුද්ගලයෙකු විසින් මෙම පහරදීම සිදුකර ඇති බව අනාවරණය වී ඇත.

සැකකරු වෙළෙඳසැලේ හිමිකරු වෙත මෙම පහරදීම සිදුකරන අවස්ථාවේ සිද්ධිය සමථයකට පත්කිරීම සඳහා එහි පැමිණි අසල්වැසියෙකුද බරපතළ තුවාල ලබා තිබේ.

ප්‍රහාරයෙන් ඔහුගේ ගෙල ප්‍රදේශයට බරපතළ සිදුව ඇති බවට වාර්තාවෙයි.

සිද්ධිය සම්බන්ධයෙන් හෝමාගම මූලස්ථාන පොලීසියේ අපරාධ විමර්ශන ඒකකය පරීක්ෂණයක් ආරම්භ කර ඇත.