ලෝකයේ සතුටින්ම සිටින රටවල් දර්ශකයේ ශ්‍රී ලංකාවට හිමි තැන

2022 ලෝක සතුට දර්ශකයේ රටවල් 146ක් අතරින් ශ්‍රී ලංකාවට 127 වන ස්ථානය හිමිව තිබේ.

ඉන්දියාව 136 වන ස්ථානයේත් පාකිස්තානය 121 වන ස්ථානයේත් පසුවේ.

පසුගිය වසරේ 101 වන ස්ථානයේ පසු වූ බංග්ලාදේශය ස්ථාන 07ක් ඉදිරියට පැමිණ 94 වන ස්ථානයට පැමිණීම විශේෂත්වයකි.

දකුණු ආසියානු රටවල් අතරින් ඉදිරියෙන් පසුවන නේපාලය 84 වන ස්ථානයට පත්ව සිටී.

එක්සත් ජාතීන්ගේ සංවිධානයේ තිරසර සංවර්ධන විසඳුම් ජාලයේ මෙහෙයවීමෙන් "සතුට දර්ශකය" නිර්ණය කරන අතර පස්වන වරටත් එම දර්ශකයේ පෙරමුණ ගැනීමට පින්ලන්තය සමත්ව තිබේ.