රජයේ ඉදිකිරීම් සඳහා යොදා ගන්නේ දේශීය නිෂ්පාදන පමණයි-ගෝඨාභය
November 13, 2019 06:23 am
තම රජයක් යටතේ රජයේ ඉදිකිරීම් සඳහා යොදා ගන්නේ දේශීය නිෂ්පාදන පමණක් බව ශ්‍රී ලංකා පොදු ජන පෙරමුනේ ජනාධිපති අපේක්ෂක ගෝඨාභය රාජපක්ෂමතා පවසයි.
ඊයේ (12) සවස දංකොටුව නගරයේ පැවති ජන හමුවකදී හෙතෙම මේ බව කියා සිටියේය.
මහින්ද රාජපක්ෂ රජය සමයේද රජයේ ඉදිකිරීම් සදහා දේශීය උළුසහ ගඩොල් යොදා ගත් බවත්, තමන්ගේ රජයක් යටතේ මෙම ක්‍රමය වඩාත් ව්‍යාප්ත කරමින් සියළුම ඉදිකිරීම් සදහා දේශීය දෑ පමණක් යොදාගන්නා බවද ගෝඨාභය රාජපක්ෂ මහතා පැවසීය.
එමෙන්ම මේ වන විට උළුසහ ගඩොල් කර්මාන්තය කරගෙන යාම සදහා අවශ්‍ය වන ප්‍රධානතම අමුද්‍රව්‍ය වන මැටි එම නිෂ්පාදකයින්ට ලබා දීම රජය මැදිහත්වී කටයුතු කරන බවද හෙතෙම කියා සිටියේය.
