බංග්ලාදේශයේ ණය බර ඉහළට

ඉදිරි වසර 5 තුළ විදේශ ණය පියවීම බංග්ලාදේශයට සැලකිය යුතු ආර්ථික බරක් වනු ඇතැයි විදෙස් මාධ්‍ය වාර්තා කරයි.

ඇස්තමේන්තුවලට අනුව, 2026 සිට 2030 දක්වා වූ මූල්‍ය වර්ෂ 5ක කාලය තුළ විදේශ ණය පියවීම සඳහා බංග්ලාදේශයට ඩොලර් බිලියන 26ක් වැය කිරීමට සිදුවනු ඇත. 

ගතවූ වසර 54ක කාලය තුළ බංග්ලාදේශය විදේශ ණය පියවීම සඳහා වැය කර ඇත්තේ ඩොලර් බිලියන 40ක් බවත් පැවසෙයි.

ඊට සාපේක්ෂව ඉදිරි වසර පහ තුළ පමණක් එම මුදලින් තුනෙන් දෙකකට ආසන්න ප්‍රමාණයක් වැය කිරීමට ඔවුන්ට සිදුවෙන බව විදෙස් මාධ්‍ය වාර්තා කරයි.

වර්තමානයේ බංග්ලාදේශයේ රජයේ ආදායමට සාපේක්ෂව ණය සේවාකරණ අනුපාතය 16.5%ක් බවත් විදෙස් වාර්තා සඳහන් කරයි.