මඩකලපුවේ පාළු ළිඳට දමා ඝාතනය කිරීමට උත්සාහ කළ කාන්තාවගෙන් පාපොච්චාරණයක්

රන් භාණ්ඩ කොල්ලකා මඩකලපුවේ පාළු ළිඳකට දමා තිබියදී දිවි බේරාගත් කාන්තාව විසින් පාපොච්චාරණයක් සිදුකර තිබේ.

සිද්ධිය පිළිබඳව සිදුකළ විමර්ශන අනුව සිද්ධියට ඍජුව සම්බන්ධ සැකකරුවන් තිදෙනෙක් සහ රන් ආභරණ මිලදී ගත් බව කියන තවත් දෙදෙනෙකු සහ ඖෂධහල් හිමිකරුවෙක් පොලීසිය විසින් අත්අඩංගුවට ගෙන තිබුණි.

පසුගිය 20වෙනිදා කාන්තාවක් පැහැරගෙන ගොස් ඇයගේ රන් ආභරණ කොල්ලකා ඇයව පාළු ළිඳක දමා ගොස් තිබුණි.

මේ සම්බන්ධයෙන් ප්‍රදේශවාසීන් පොලීසියට කළ දැනුම්දීමකට අනුව එම කාන්තාව බේරාගැණුන අතර එම ළිඳෙහි තිබූ කාන්තා මළ සිරුරක් ද පොලීසිය විසින් සොයා ගනු ලැබීය. 

අදාළ දිනයේ දී තමා මුහුණදුන් බියකරු අත්දැකීම පිළිබඳ අනාවරණය කරමින් ඇය පවසා ඇත්තේ, ත්‍රීරෝද රථයෙන් ගමන් කරමින් සිටියදී තමාට බීම බෝතලයක් පානය කිරීමට ලබාදුන් බවය. 

“පේපර් කටර් එකක් අරන් නගින්නේ ඇයි කියලා මම අහද්දි හරක්ට තණකොළ කපන්න කියලා කිව්වේ. ත්‍රිවිල් එක වෙන පාරක යද්දි මම ඇහුවා ඇයි මේ පාරෙන් යන්නේ කියලා. එතකොට කිව්වා අර නංවා ගත්ත තරුණයාව ඇරලවන්න කියලා. විනාඩි දෙකක් යද්දි මට සිහිය නැති වුණා.”