QR ක්රමවේදය යටතේ ලැබෙන ඉන්ධන ප්රමාණවත් නැහැ - GMOA
March 15, 2026 03:51 pm
QR ක්රමවේදය යටතේ ලබාදීමට යෝජිත ඉන්ධන සලාකය කිසිසේත්ම ප්රමාණවත් නොවන බව රජයේ වෛද්ය නිලධාරින්ගේ සංගමය පවසයි.
නිවේදනයක් නිකුත් කරමින් එම සංගමය පෙන්වා දෙන්නේ, නිවසින් දුරස්ථ ප්රදේශවල රාජකාරියේ නියුතු විශේෂඥ වෛද්යවරුන්, ශ්රේණි වෛද්යවරුන් සහ පරිපාලන වෛද්යවරුන්ට රාජකාරී ඉටුකිරීමට රෝහල් වෙත ගමන් කිරීමට පවා නොහැකි තත්ත්වයක් උදාවී ඇති බවය.
ඒ හේතුවෙන් ප්රකාශයට පත් කර ඇති සලාක ක්රමය තුළ සෞඛ්ය සේවාව සහ සෞඛ්ය සේවකයින් ලෙස මුහුණපාමින් පවතින ප්රායෝගික ගැටලු හඳුනා ගනිමින් ඒ සඳහා විසඳුම් ලබාදීම කඩිනම් කරන ලෙසට ද ඔවුන් ඉල්ලා සිටියි.
