2026 දෙවන කාර්තුවේ විදුලි ගාස්තු සංශෝධනයේ තීරණය මාර්තු අවසානයේ

2026 වසරේ දෙවන කාර්තුවට අදාළ විදුලි ගාස්තු සංශෝධනය සම්බන්ධයෙන් ශ්‍රී ලංකා මහජන උපයෝගීතා කොමිෂන් සභාවේ (PUCSL) තීරණය මෙම මස අවසානය වනවිට ප්‍රකාශයට පත් කිරීමට නියමිතව ඇත.

අප්‍රේල් සිට ජූනි දක්වා වන කාල සීමාවට අදාළව 13.56%ක විදුලි ගාස්තු ඉහළ නැංවීමක් ඉල්ලා ලංකා විදුලිබල මණ්ඩලය විසින් පසුගියදා මහජන උපයෝගීතා කොමිසමට යෝජනාවලියක් භාර දී තිබුණි.

ඒ සම්බන්ධයෙන් මහජන අදහස් විමසීමට උපයෝගීතා කොමිසම පියවර ගෙන ඇති අතර, එහි තෙවන දිනය ලෙස අද දිනයේ මහජන අදහස් විමසීමේ කටයුතු මාතලේ දිස්ත්‍රික්කයේදී සිදුකෙරේ.