රටම අනතුරේ දැමූ 'දිට්වා' ලංකාවෙන් යයි

'දිට්වා' සුළි කුණාටුව හෙට (30) දිනය වනවිට ඉන්දියාවේ තමිල්නාඩු වෙරළ තීරයට ගමන් කරනු ඇතැයි අපේක්ෂා කරන බව කාර්යයේ නියුතු කාලගුණ විද්‍යාඥ සචින්තා ජයසේකර මහත්මිය පැවසීය.

ඇය සඳහන් කර සිටියේ, අද (29) උදෑසන වනවිට ත්‍රිකුණාමලයේ සිට කිලෝමීටර් 80ක් පමණ වයඹ දෙසින් කේන්ද්‍රගතව පැවති සුළි කුණාටුව මේ වනවිට උතුරට බරව වයඹ දෙසට ගමන් කරමින් දිවයිනෙන් ඉවතට ගමන් කළ බවය.

සුළි කුණාටුව බැහැරට යාමත් සමග මෙරට වැසි තත්ත්වය සම්පූර්ණයෙන්ම පහව නොගියත්, යම් තරමකට අඩුවන බව ඇය පැවසුවාය.

කෙසේ නමුත් හෙට දිනය වනවිට වැසි තත්ත්වයේ අඩුවීමක් බලාපොරොත්තු විය හැකි අතර, දිවයිනට ඇති සෘජු බලපෑම සම්පූර්ණයෙන්ම ඉවත්වීමක් අපේක්ෂා කළ හැකිය.